Ndohói rire, ndoúi va'erã mo'ã

 

APOREKO

......rire, ........... va'erã mo'ã......

 

TECHAPYRÃ

 

Ndohói rire, ndoúi va'erã mo'ã.

Si no hubiera ido, no hubiese vuelto.

 

1 – Aikuaa rire rejutaha, ambosako'i va'erã mo'ã tembi'u héva.

(tembi'u hetereiva suena a vanagloriarse, pero la visita lo puede decir)

Si yo hubiera sabido que venías, habría preparado algo rico.

 

2 – Aikuaa rire repurahéiporãha, agueru va'erã mo'ã che mbaraka, ha japurahéi oñondive.

Si yo hubiera sabido que tu cantabas tan bien, habría traido mi guitarra y cantábamos juntos.

 

3 – Aikuaa rire re'uséha ru guasu ka'e, amoingue va'erã mo'ã tatakuápe peteĩ ne mba'erã.

Si yo hubiera sabido que te gustaba tanto el pollo, habría horneado uno para ti.

 

4 – Aikuaa rire rehaivaha ñe'ẽpoty, ajogua va'erã mo'ã ne aranduka.

Si yo hubiera sabido que escribías poesias, habría comprado tu libro.

 

5 – Aikuaa rire rejuha kane'ópe, ambosako'i va'erã mo'ã nde rupa.

Si yo hubiera sabido que llegabas tan cansado, te habría preparado tu cama.

 

6 – Reikuaa rire che ménape, nandepy'avai va'erã mo'ãi hendive.

Si hubieras conocido a mi marido, no pensarías mal de él.

 

7 – Perambosa rire chendive, peikuaa va'erã mo'ã heta mba'e pyahu. (ñande rapicha rehegua)

Si hubierais desayunado conmigo, estaríais al tanto de las novedades. (chisme)

 

8 – Che rendu rire, ndere'ái va'erã mo'ã.

Si me hubieras escuchado, no te hubieras caido.

 

9 – Ñambosako'i rire ñane rembi'urã, nañañaníri va'erã mo'ã ko'ag̃a.

Si hubiéramos preparado nuestra comida antes, no tendríamos que correr ahora.

 

10 – Alicia ndoikuaái rire Huan omendahague, nombyasýi eterei va'erã mo'ã.

Si Alicia no hubiera sabido que Juan se casaba, no hubiera sufrido tanto...

 

11 – Pe tapiti nomanóirire, pe mitã nahaséi (eterei) va'erã mo'ã.

Si el conejo no se hubiera muerto, el niño no lloraría.

 

12 – Nere'úi rire pe urupe, nereñeñanduvai va'erã mo'ã.

Si no hubieras comido ese hongo, no te hubieras sentido mal.

 

13 – Marisa ndohói rire pe pohãnohára rendápe, ko'árape hesãi va'erã mo'ã.

Si Marisa no hubiera ido de ese médico, hoy estaría sana.

 

14 – Alicia ndopokói rire pe apykáre, nopẽi va'erã mo'ã.

Si Alicia no la hubiera tocado, esa silla no se hubiese roto.

 

15 – Norojoguái rire heta mba'e, roguereko va'erã mo'ã hetave pirapire.

Si no hubiéramos comprado tantas cosas, ahora tendríamos mas dinero.

 

16 – Nahendúi rire che sýpe, amenda va'erã mo'ã pe karia'y iporãitéva rehe.

Si yo no hubiera escuchado a mi madre, hoy estaria casada con ese joven que era tan lindo.

 

17 – Ahendu rire che ru, aguereko va'erã mo'ã che kuatia mbo'ehao guasúpeguare.

Si yo hubiera escuchado a mi padre, hoy tendría un título universitario.

 

18 – Apyta rire Ahentínape, che mboriahu va'erã mo'ã ko'ag̃a.

Si yo me hubiera quedado en la Argentina, ahora sería pobre.

 

19 – Che ndajeroviaitéi rire chejehe, ndojepe'ai va'erã mo'ã chehegui.

Si yo no me hubiera confiado tanto, no me hubiesen quitado mi propiedad.

 

20 – Che sy noñemboheraguapýi rire, ko'ára roguereko va'erã mo'ã moõpa roiko.

Che sy noñemboheraguapýi rire, ko'árape roguereko va'erã mo'ã moõpa roiko hanguã.

Si mi madre no hubiera firmado, hoy tendríamos una casa donde vivir.

 

21 – Ndajapói rire umi pohãnohara he'iva ekue chéve, ko'árape che resãi va'erã mo'ã gueteri.

Si yo no hubiera hecho (lo que dijo ese médico) ese tratamiento, hoy estaría sana.

 

22 – Ko jagua'i naitũngusúi hetaiterei rire, noñehe'ỹi eterei va'erã mo'ã.

Ko jagua'i ndoguerekói rire heta tũngusu, noñehe'ỹi eterei va'erã mo'ã.

Si el perrito no tuviese (tantas) pulgas, no se rascaría (tanto).

 

23 – Ko karia'y ndoguerekói rire heta pirapire, nosẽi va'erã mo'ã heta mitãkuñanguéra ndive.

Si este muchacho no tuviera tanto dinero, no saldría con tantas chicas.

 

24 – Returuñe'ẽ rire chéve, rohendu va'erã mo'ã.

Si me hubieras silvado te habría escuchado.

 

25 – Che momaitei rire, roipytyvõ va'erã mo'ã.

Si me hubieras saludado, te habría ayudado.

 

26 – Reme'ẽvérire chéve pirapire, ajogua va'erã mo'ã pe pyryru iporãvéva.

Si me hubieras dado mas dinero, hubiese comprado ese hermoso par de zapatos.

 

27 – Nacheboykéi rire chéve, romomaitei va'erã mo'ã.

Si no me hubieras discriminado, yo te hubiera saludado.

 

28 – Regueru rire nde ajura vera pyahu, ñañemu va'erã mo'ã hese.

Si hubieras traido tu collar nuevo, lo habríamos vendido.

 

29 – Aharire che año, aike reínte va'erã mo'ã.

Si hubiera ido sola, no hubiese pagado.

 

30 – Osapukái rire hikuái, ñahendu va'erã mo'ã ko'ã guive.

Si ellos hubieran gritado, los hubiésemos escuchado desde aqui.

 

31 – Ombokapu rire hikuái, ñahendu va'erã mo'ã ko'ã guive.

Si ellos hubieran disparado, los hubiésemos oido desde aqui.

 

32 – Naipysyrỹi rire, ndo'ái va'erã mo'ã ysyrýpe.

Si no hubiera resbalado, no se hubiese caido al arroyo.

 

33 – Nañañembo'épukui rire tupaópe, nañañepenarãrasýi va'erã mo'ã.

Si no hubiésemos rezado tanto en la iglesia, no nos dolerian las rodillas.

 

34 – Noromopotĩri rire ore mbo'ekoty, mbo'ehára ipochy va'erã mo'ã.

Si no hubiéramos limpiado el aula, la maestra se hubiese enojado.

 

35 – Reipuru rire pe haiha hovy, iporãve va'erã mo'ã ne rembiapo.

Si hubieras usado el lápiz azul, habría quedado mejor tu trabajo.

 

36 – Nerembojahúi rire nde jagua'i ne año, nandesu'úi va'erã mo'ã.

Si no hubieras bañado a tu perrito sola, no te hubiese mordido.

 

37 – Ombohasa rire ambue ñe'ẽme, ojavy vai va'erã mo'ã.

Si hubiera traducido en otro idioma, se hubiese equivocado mal.

 

38 – Jajupi rire amo jupiha rupi, ñakañy va'erã mo'ã.

Si hubiéramos subido por esa escalera, nos hubiésemos perdido.

 

39 – Nerembopúi rire ysapu, Ada ndopukavýi va'erã mo'ã ndéve.

Si no hubieras tocado el arpa, Ada no te hubiera sonreído.

 

40 – Nombopúi rire ysapu, Ada ndopukavýi va'erã mo'ã ichupe.

Si no hubiera tocado el arpa, Ada no le hubiera sonreído.

 

41 – Ndereka'úi rire, ndere'ái va'erã mo'ã.

Si no hubieras bebido, no hubieses caido.

 

42 – Ndajahái rire, ndajajúi va'erã mo'ã.

Si nosotros no hubieramos ido, no hubiesemos vuelto.